دادن پير: يارهين صديءَ جي مشهور بزرگ دادن پير بابت، مشهور ڪتاب ’تحفته الڪرام‘ ۾ مير علي شير قانع ٺٽوي ڄاڻائي ٿو ته: ”پير دادن وڏو پير ۽ ڪامل ولي هو. هر وقت مٿي اگهاڙو، وار کنڊيل هوندا هئس. هو تڪيي وارو فقير هو. ڪن جو چوڻ آهي ته سيد محمد يوسف رضويءَ جو همعصر آهي ۽ ڪن جو چوڻ آهي ته ان کان اڳي ٿي گذريو آهي. سيد محمد يوسف پنهنجي اولاد کي چيو هو ته جيڪڏهن ڪنهن مشڪل وقت ۾ مون تائين پهچي نه سگهو ته کيس دعا گهرڻ لاءِ چئجو. پير دادن جي درگاهه تي سوالي مقصدن جي حاصلات لاءِ ايندا آهن. دادن پير جي درگاهه شهيد شيخ ابو تراب جي ڀر ۾ مڪليءَ تي واقع آهي.